पथरीशनिश्चरे /मोरङको पथरी शनिश्चरेमा कोरोना भाइरसको रोकथाम तथा नियन्त्रण अभियान अन्तर्गत नगरमा ४ दिनदेखि सार्वजनिक स्थानहरुलाई भाइरसमुक्त क्षेत्र बनाउन ब्लिचिङ औषधि छिट्ने काम भइरहेको छ ।
नगरबाट वडा नम्वर १ को पथरी वजार क्षेत्रबाट औषधि छिटन् सुरु भएकोमा हालसम्म १ र ६ नम्वर वडामा छिट्ने काम सम्पन्न भएको नगरका जनस्वास्थ्य निरीक्षक मुरारी आचार्यले जनाउनु भयो । साथै सवै वडाका मुख्य चोक चोकमा बेलबारी नगरपालिकाको दमकलमार्फत औषधि छिटिएको छ र अन्य भित्री सडकहरुमा नगरकै गाडीमार्फत छिट्ने काम क्रमशः भइरहेको पनि उहाँले उल्लेख गर्नुभयो । १ नम्बर वडाध्यक्ष बाबुराम एङ्देन आफैं गाडी चलाएर औषधि छिट्ने काममा विशेष रुपमा लाग्नु भएको छ ।
