विराटनगर, २० फागुन । दारी ग्याङको अगुवाइमा विराटनगर महानगरपालिकाको भित्री सडकको सरसफाइ सुरु भएको छ ।
सरसफाइ अभियानमा महानगरपालिकाका प्रमुख भीम पराजुली, विभिन्न युवा समूहहरूको सहभागीता छ । आइतबार १० बजेदेखि विराटनगरको व्यस्त बजार बि प्लटबाट सुरु भएको सफाइ अभियान ३ घण्टासम्म जारी रहयो । सडक सफाइका क्रममा सय बढी युवा सहभागी भएका थिए ।
नगरपालिकाका नगर रक्षक, कर्मचारी, विद्यार्थी तथा युवाहरुको सहभागीतामा हुने सफाइ अभियान दैनिक संचालन हुने दारी ग्याङका संयोजक सविन घिमिरेले जानकारी दिनुभयो । सफाइ अभियानमा सहभागी महानगर प्रमुख भीम पराजुलीले युवाहरुको सक्रियतालाई नगरपालिकाले सँधै सहयोग गर्ने बताउनु भयो ।
