पथरी। पथरी बहुमुखी क्याम्पसको स्ववियुले आफ्नो एक वर्षे कार्यकालको वार्षिक उत्सवको अवसरमा निःशुल्क स्वस्थ्य शिविर संचालन गरेको छ । पथरी शनिश्चरे १ मा स्थापित क्याम्पसको स्ववियुले शुक्रबार क्याम्पसमा एक दिने स्वस्थ्य शिविर संचालन गरेको हो ।
स्वतन्त्र विद्यार्थी युनियनले नगर भित्रका +२ माथी अध्यान गर्ने विद्यार्थीहरुका लागि स्त्री रोग विशेषज्ञ, दन्त चिकित्सा, आँखा उपचार, जनरल मेडिसिन, ईसिजी, भिडियो एक्सरे लगायतको सेवा प्रदान गरिएको स्ववियु सभापति केशर राईले जानकारी दिनुभयो । उहाँले कुरा थप्दै भन्नुभयो, शिक्षा संगै स्वास्थ्य पनि जोडिने भएकाले स्वास्थ्य शिविर संचालन गरेका हौँ ।
विद्यार्थीहरूको हक अधिकारका निम्ति स्ववियु सधै कठिबद्ध भएर लाग्ने विस्वस्त दिलाउँदछौँ । शिविरबाट ५१७ भन्दा बढि विद्यार्थीहरूले लाभ लिनुभएको थियो भने, प्राविधिक सहयोग नोवेल शिक्षण अस्पताल विराटनगरको रहेको थियो ।
