काठमाडौं । नेपालमा पछिल्लोे २४ घण्टामा २१ सय ६९ जना कोरोनाभाइरसका संक्रमित थपिएका छन् । स्वास्थ्य तथा जनसंख्या मन्त्रालयले सार्वजनिक गरेको विवरणअनुसार १० हजार ४ सय १७ जनामा परीक्षण गर्दा २१ सय ६९ जनामा संक्रमण देखिएको हो ।
यस्तै सोही अवधिमा १४ सय ३२ जना संक्रमणमुक्त हुँदा २२ जनाले ज्यान गुमाएका छन् । योसँगै देशभर कोरोनाका कारण मृत्यु हुनेको संख्या ९ हजार ३ सय ६२ पुगेको छ भने निको हुनेको संख्या ६ लाख १६ हजार ३ सय रहेको छ । संक्रमितको कुल संख्या ६ लाख ५४ हजार २ सय १२ पुगेको छ । काठमाडौं उपत्यकामा पछिल्लो २४ घण्टामा ४ सय ४ जना संक्रमित भेटिएका छन् । जसमा काठमाडौंमा ३ सय ३, ललितपुरमा ६० र भक्तपुरमा ४१ जना संक्रमित भेटिएका छन् ।
कोरोना भाइरसको सक्रिय संक्रमितको संख्या २६ हजार ४ सय ८९ रहेको छ जसमध्ये २३ हजार ५३९ जना होम आइसोलेसनमा र २ हजार ९५० जना संस्थागत आइसोलेसनमा छन् ।
