नेपालमा थप ४ हजार ७ सय ६२ जनामा कोरोना संक्रमण भएको छ । स्वास्थ्य तथा जनसंख्या मन्त्रालयले सार्वजनिक गरेको विवरणअनुसार देशभर १५ हजार ५५ पीसीआर र २ हजार ४ सय २५ एन्टिजेट परीक्षणमा ४ हजार ७ सय ६२ जनामा कोभिड–१९ संक्रमण भएको हो ।
पछिल्लो २४ घण्टामा काठमाडौंमा ८ सय ९०, ललितपुरमा २ सय ५२ र भक्तपुरमा १ सय २१ गरी काठमाडौं उपत्यकामा १ हजार २ सय ६३ जनामा संक्रमण पुष्टि भएको छ । योसँगै देशभर ५ लाख ६१ हजार ३ सय २ जनामा संक्रमण देखिएको छ । देशभरबाट ६ हजार ४ सय ९१ जना निको हुँदा ४ लाख ४७ हजार ४ सय ४६ जना संक्रमणमुक्त भएको मन्त्रालयले जनाएको छ ।
यस्तै पछिल्लो २४ घण्टामा देशभर कोभिडबाट १ सय १४ जनाको मृत्यु भएको छ । योसँगै अहिलेसम्म कोभिडबाट मृत्यु हुनेको संख्या ७ हजार ३ सय ८६ पुगेको छ । देशभर १ लाख ६ हजार ४ सय ७० जना सक्रिय संक्रमित हुँदा २ हजार ५ सय ८४ जना आईसीयू र ४ सय २४ जना भेन्टिलेटरमा उपचाररत छन् ।
