हाँस्नका लागि पैसा लाग्दैन । हाँसो सापटी लिनुपर्ने जिनिस पनि होइन । न हाँस्नुको लागि पूर्व तयारी नै गर्नुपर्छ, न कुनै बन्दोबस्ती । हाँस्नु नितान्त हाम्रो अधिनको कुरा हो । हाम्रो रुचीको कुरा हो । प्राकृतिक कुरा हो । तर, हामी हाँस्नु कञ्जुस गर्छौं । मानौ मस्त हाँस्दा हाम्रो खल्ती रित्तिन्छ । त्यही कारण अहिले हाँसो दुर्लभ बन्दै गएको छ ।
हाँस्नुको फाइदा सुन्नुभयो भने, पक्कैपनि तपाईले हाँस्नका लागि कन्जुस्याँई गर्नुहुने छैन । हाँसोले व्यक्तिको रिस नियन्त्रण गर्नुका साथै व्यक्तिको सुन्दरता समेत बढाउने गर्छ । त्यसैगरी यसले स्वास्थ्य सम्बन्धी विभिन्न समस्याबाट समेत टाढा राख्न मद्दत गर्छ । एक अनुसन्धानहरुले जनाए अनुसार व्यक्ति दिनमा १३ पटकसम्म हाँस्ने गर्छ ।
हाँसोले स्वास्थ्यमा पार्ने सकारात्मक प्रभावलाई ध्यानमा रहेर नै अहिले विश्वका सयौं देशहरुमा लाफ्टर क्लबको निर्माण हुँदै आएको छ । त्यसबाहेक पनि हाँसोले शरीरमा यस्ता फाइदाहरु पु¥याउँछन्, जुन यस प्रकार छः
- हाँसोको फाइदा
– हाँसोले तनाव तथा डिप्रेसन कम हुने गर्छ ।
– हाँसोले प्राकृतिक रूपमा पेनकिलरको रूपमा काम गर्छ, जसका कारण दुखाइ कम हुने गर्छ ।
– शरीरमा अक्सिजन प्रवाह गर्दछ ।
– रिसलाई नियन्त्रण गर्छ ।
– शरीरको रोग प्रतिरोधात्मक क्षमता बढाउँछ ।
– सुन्दर अनुहारका लागि हाँसो निकै लाभदायक मानिन्छ ।
– व्यक्तिको आत्मविश्वास बढ्छ ।
– व्यक्तिमा सकारात्मक सोचको विकास गर्छ ।
– व्यक्तिलाई निराश हुन दिँदैन ।
– व्यक्तिमा साँचो बोल्ने तथा चित्त नबुझेको कुरा भन्ने क्षमता विकास हुन्छ ।
– रक्तसञ्चार राम्रो गराउँछ ।
