विराटनगर । महान्यायाधिवक्ता अग्नीप्रसाद खरेलले अदालतभन्दा पनि न्याय दिने मुख्य थलो सिंहदवार भएको बताउनुभएको छ ।
महान्यायाधिवक्ताका कार्यालय काठमाडौको आयोजनामा आइतबार विराटनगरमा आयोजित सरकारी वकिलहरुको प्रदेशस्तरीय कार्यसमिक्षा तथा अनुशिक्षण कार्यक्रममा महान्यधिवक्ता खरेलले सो कुरा बताउनुभएको हो ।
नागरिकहरु सारै चित्त नबुझेपछि मात्रै अदालत आउने गरेको बताउँदै खरेलले सबैभन्दा ठूलो न्याय गर्ने थलो त सिंहदर नै भएको उल्लेख गर्नुभयो । अदालत भनेको औपचारीक न्याय गर्ने थलोका रुपमा मात्रै भएको बताउँदै उहाँले सिंहदरबारबाटै न्याय गर्न सकियो भने जनताले सबैभन्दा धेरै राहत महसुन गर्ने उल्लेख गर्नुभयो ।
महान्यायाधिवक्ता खरेलले न्याय सम्पादन गर्दा प्रक्रियासँगै न्यायको चाहना पुरा भयो या भएन भन्ने विषयमा पनि ख्याल गर्न सरकारी वकिलहरुलाई आग्रह गर्नुभयो । न्यायको चाहना पुरा गर्न सकिएन भने प्रक्रियामा मात्रै सहभागी हुनुको कुनै अर्थ नभएको उहाँको भनाइ थियो ।
सरकारको अफ्ठ्यारोलाई ध्यानलाइ राखेर न्यायाधिसले न्याय सम्पदान गर्न नमिल्ने भन्दै उहाँले यसबारे सबै सचेत हुनुपर्नेमा जोड दिनुभयो । कार्यक्रममा उच्च अदालत विराटनगरका मुख्य न्यायाधिस डा.कुलरत्न भुर्तेलले अपराध, कानुनको सख्यामा बृद्धि भएको भएपनि सरकारी वकिलहरुको संख्या कम रहेकाले कार्य सम्पदानमा समस्या भएको बताउनुभयो ।
