विराटनगर । नेकपा माओवादी केन्द्र निकट विद्यार्थी संगठन अनेरास्ववियु (क्रान्तिकारी) मोरङको संयोजकमा ताजिम अन्सारी चयन भएका छन् ।
विराटनगरमा शनिबार बसेको क्रान्तिकारीको विस्तारित बैठकले अन्सारीलाई सर्वसम्मत रुपमा संयोजक चयन गरेको हो ।
अन्सारीले संयोजकमा चयन भएसँगै अनेरास्ववियू क्रान्तिकारीको जिल्ला अधिवेशन आउँदो बैशाखको पहिला साता गर्ने तयारी गरेको बताएका छन् । बैठकमा नेकपा माओवादी केन्द्र मोरङका सहसंयोजक गणेश उप्रेती, विद्यार्थी नेता सुमन कालिकोटेलगायतको उपस्थिति रहेको थियो ।
