एउटा पेन्टिङ संसारभरी भाइरल भयो । जसले युरोप लगायत संसारभरी आध्यात्म, पवित्रता, मानवीय मूल्य,मान्यता र प्रेमका बीच वहस ल्याएको छ । यो पेन्टिङ यूरोपका प्रसिद्ध कलाकार बारतोलोमिओ एस्तेवन मुरिलोले बनाएका थिए । यो उनका चर्चित पेन्टिङ मध्ये पर्छ । यो पेन्टिङमा एउटा बृद्ध स्तनपान गरिरहेका देखिन्छन् ।यसको वास्तविकता अर्कै थियो । एकजना बृद्धलाई जेल सजाय भयो । र उनलाई जेलमा भोकै राख्ने सजाय सुनाइयो । ति बृद्धकी एउटा छोरी थिइन् । उनकी छोरीले दैनिक बुवालाई भेट्न आग्रह गरिन् । त्यही अनुसार स्थानीय प्रशासनले भेट्ने अनुमति दियो । भेट्न जादा उनको खानतलासी लिइन्थ्यो । उनलाई केही खानेकुरा लग्नै दिइदैन्थ्यो ।
भोकै रहेका बृद्धको अवस्था बिग्रदै गयो । बुवाको यो अवस्था देखेर छोरी पनि दुखित हुन्थिन् । तर केही गर्न सक्दैन्थिन् ।
यो सब देखेर चिन्तित छोरीले बाबुलाई मर्नबाट जोगाउन स्तनपान गराउन थालिन् । जसले गर्दा बृद्धको अवस्था सुध्रिदै गयो । एक दिन चौकीदारले स्तनपान गराइरहेको देखे र उनलाई समातेर स्थानीय प्रशासकलाई बुझाइदियो ।
यो घट्नाले हल्लीखल्ली मच्चियो । मान्छेहरु दुई धु्रवमा विभाजित भए । एउटा समूहले पवित्र नातालाई बिगारेको अपराध भने त अर्को समूहले बुवाप्रतिको छोरीको प्रेमका रुपमा अथ्र्याए ।
धेरै बहस भयो । र अन्त्यमा बाबु र छोरीलाई रिहा गरिदिए । यसै घटनालाई उनले कलाकार मुरिलोले पेन्टिङमा उतारेका थिए ।
