पथरी, पथरी शनिश्चरे नगरपालिकामा ई–रिक्सा व्यवस्थापन समितिले विलबुक वितरण गरिएको छ । स्थानीय तहमा यातायात कार्यालयबाट स्थान्तरण गरेर आइसकेपछि नगरपालिकाबाट विलबुक वितरण गरिएको हो । बुधबार नगरपालिकामा ई–रिक्सा व्यवस्थापन समितिका संयोजक संयोजक विरध्वज शिवा र राजश्व शाखा प्रमुख तारा प्रसाद ढकालले विलबुक वितरण गर्नुभएको हो ।
संयोजक शिवाले भन्नुभयो–‘ई–रिक्सा व्यवस्थापन समितिले पालिकामा दर्ताको लागि प्रदेशमा सिफारिस पठाई पालिकामा दर्ता प्रक्रिया सुरु भई विलबुक वितरणको काम सुरु गरिएको हो ।’
