पथरी । पथरी शनिश्चरे नगरपालिका न्यायिक समितिको टोलीले ५ दिने न्यायिक समितिको अध्ययन अवलोकन र भ्रमण पूरा गरेको छ ।
टोलीले न्यायिक कार्यसम्पादन तथा काम कारवाही सम्वन्धमा अन्तरपालिकाको बीच अनुभवहरू आदान प्रदान गरेको छ ।
न्यायिक समितिले जेठ २३ गते धनकुटा नगरपालिकाबाट अध्ययन अवलोकन सुरु गरेको थियो । त्यसपश्चात् न्यायिक समितिले भोजपुर नगरपालिका, दिक्तेल रुपाकोट मझुवागडी खोटाङ, सोलु दुधकाण्ड नगरपालिका सोलुखुम्बु, सिद्धिचरण नगरपालिका ओखलढुंगाको अध्ययन अवलोकन र भ्रमण पूरा गरेको हो ।
सो अवलोकनमा पथरी शनिश्चरे नगरपालिकाको उप–प्रमुख एवं न्यायिक समितिको संयोजक देवीमाया काफ्ले, सदस्यद्वय पदम धिमाल, कल्पना श्रेष्ठ, अधिवक्ता एवं कानूनी सल्लाहकार दीपक राई र कर्मचारी विश्मणि निरौलाको सहभागिता रहेको थियो ।
