पथरी शनिश्चरे । पथरी शनिश्चरे वडा नं. ८ ले ‘वडा नम्बर ८ को प्रण, सामुदायिक विद्यालयको रुपान्तरण’ भन्ने कार्यक्रमलाई अगाडि बढाएको छ ।
आजदेखि दैनिक रुपमा विद्यालय अनुगमन गर्न थालिएको वडा अध्यक्ष नवीन कार्कीले बताउनुभयो ।
वडाको सामुदायिक विद्यालयको व्यवस्थापन समिति अध्यक्ष तथा सदस्य, प्रधानाध्यापक तथा शिक्षक कर्मचारीहरुसँगको सरसल्लाह बमोजिम दैनिक अनुगमन गर्नका लागि फारम तयारी गरिएको छ ।
दैनिक अनुगमनबाट उत्कृष्ट हुनुहुने शिक्षकहरुलाई ‘स्कुल अफ द इयर’को उपाधिबाट सम्मान गरिने वडाले जनाएको छ । दुर्गा र मिलन आधारभूत विद्यालयबाट अनुगमन गर्ने कार्यक्रमको सुरुवात भएको छ ।
