मोरङ/ नेपालमा सदियौ देखि तराईको भू भागमा बसोबास गदै आएको अल्पसंख्यक तथा अति सिमान्तकृत समुदाय मुडियारी जाति को कटहरी गाउँ पालिका वडा नं ७ को मुडियारी गाउँ भेला कटहरी गाउँ पालिका वडा नं ७ को मुडियारी टोल डंगटोली मा शनिवार हुने भएको छ।
मुडियारी जातिय संस्था नेपाल मुडियारी भाषा संस्कृति पहिचान उत्थान केन्द्र केन्द्रीय सचिव सूर्य नारायण मुडियारीले सो भेला हुने सम्बन्धि जानकारी गराउनुभएको छ। मुडियारी जाति समुदायहरूको जातिय भेषभूषा सहितको नाचगान तथा झाँकी प्रदर्शन लगाएत कार्यक्रम गरिने सचिव मुडियारी ले जानकारी दिनुभएको छ। संस्था ले गाउँ भेला हरू आयोजना लाई तिव्रता दिएको छ।
हालै कटहरी गाउँ पालिका वडा नं ५ को मुडियारी भेला सम्पन्न गरेको थियो। मुडियारी समुदाय हरू आदिवासी भएतापनि राज्यले आदिवासी जनजाति समुदायमा सूचिकृत गरेको छैन। मुडियारी समुदायहरू तराईको मोरङ र सुनसरी जिल्लाको केही पालिका हरूमा मुख्य बसोबास को थलो रहेको पाईन्छ । मुडियारी समुदायहरूले मुडियारी ,झाँगड पनि लेख्ने गरेको पाईन्छ ।
