शनिश्चरे । मोरङ पथरीशनिश्चरे–९ स्थित सिता छधारे सामुदायिक वन उपभोक्ता समूहको विशेष साधारणसभाले पुनः अमृतामाया तामाङलाई अध्यक्षमा चयन गरेको छ । समूहको कार्यालय परिसरमा शनिबार सम्पन्न विशेष साधारणसभाले तामाङलाई अध्यक्षमा चयन गरेको हो ।
समूहको उपाध्यक्षमा सावित्रा रोक्का खत्री, सचिव राजकुमार लिम्बु, सह–सचिव सुष्मिता लिम्बु र कोषाध्यक्षमा खगेन्द्र कठायत चयन भएका छन् । यसैगरी, सदस्यहरुमा सिता शेर्पा तामाङ, रणबहादुर खड्का, विनोद धिमाल, चन्द्रकान्त भट्टराई, ललिता कार्की, सुरज कार्की, मागवती ऋषिदेव, भुवन राई, गायत्रमान कार्की र संगीता माङ्लाक रहेका छन् ।
साधारणसभामा सामुदायिक वन उपभोक्ता महासंघ पथरीशनिश्चरे नगर अध्यक्ष मैना फुयल, वडा सदस्य जंगबहादुर कार्कीलगायतले शुभकामना मन्तव्य राखेका थिए ।
