भरतपुर चितवन १२ का १९ वर्षीय सुजल कार्की तेक्वान्दो खेलका युवा खेलाडी हुन् । बुबा राजेश र आमा लक्ष्मि कार्कीका एक्लो छोरा सुजल हाल काठमाडौं लाजिम्पाटमा बसोबास गर्दै आएका छन् ।
उनी खेलकुद क्षेत्रमा कक्षा ७ देखि नै लागेको बताउँछन् । कभर्ड हल चितवनमा तेक्वान्दोको प्रारम्भिक प्रशिक्षण लिएका उनी आफ्नै मिल्ने साथीसंगको संगतले यो खेलमा लागेको बताउँछन् । तेक्वान्दो गुरु योगेशकुमार योगीका प्रिय चेला उनी भर्खरै प्लस टु अध्ययन सकेर तेक्वान्दो खेलमा ब्लाक बेल्ट प्राप्त हुन् । उनी टेवल टेनिसका राम्रो खेलाडि पनि हुन् ।
युवाहरु माझ लोकप्रिय खेल पब्जि गेमबाट पनि राम्रै आम्दानी गरेका उनी पब्जि टिम आई मित्रमा आबद्ध थिए । हालैमात्र एक्स गडले उनलाई अफिसियल स्पन्सर गर्न लागेको बताउँछन् ।
व्यापारिक घरानासंग सम्बन्धीत उनी काठमाडौंमा बुबा आमाको किराना पसल र फेन्सी स्टोरमा फुर्सदको समय मिलाएर व्यवसायमा व्यस्त हुने गर्छन् ।
सुजलको विशेष रुचि विभिन्न नयाँ ठाउँ घुम्ने डुल्ने र गीतसंगीतमा रमाउनु रहेको छ । सुजल भन्छन् –‘कुनै पनि खेलमा तनमन लगाएर लाग्ने हो भनें एक दिन अवश्य सफलता मिल्ने छ ।’ उनले पब्जि गेमबाट पनि राम्रै आय आर्जन गर्ने गरेका छन् । भविष्यमा खेल जगतबाट नै आफुलाई चिनाउनु र जीवनयापनको लागि खेल जगतबाटै अघि बढ्ने उनको उद्देश्य रहेको छ ।
