१
आस्थाको सगरमाथा झुकेको नि पत्तै नहुने !
इमानको भीष्म पनि चुकेको पत्तै नहुने !!
सतिसाल झै अडिग यहीँ कतिखेर ढल्छ,
मानव भित्र दानव लुकेको नि पत्तै नहुने !!
२
उषाका लालीहरु यहाँ गुमनाम भए !
सुगन्धका बेली चमेली पनि दुर्नाम भए !
कतिखेर झुक्छ आस्थाको हिमाल ?
तिनै नाम अतितका पानामा सुनाम भए !!
३
सुने, नयाँ युग ल्याउन संविधान बनायौ !!
फेरि नि निमुखालाई रेट्ने कानुन बनायौ !
निर्धाहरुको बुईमा सत्ताको सिढि चढेपछी
आफ्नै पतनको बाटो जानजान बनायौ !!
पथरीशनिश्चरे, मोरङ
