गणेश पोखरेल
केराबारी । गत पौष २७ गतेदेखि हराईरहेका केराबारी ८ का २६ वर्षिय बाबुराम भट्टराईको शव आइतबार चारकोशे जंगलमा फेला परेको छ ।
खोर्साने केराबारी सडकको आमजुंगी विश्वकर्मा मन्दिर देखि झण्डै २ किलिमिटर पुर्व देविझोडा जाने भित्रि सडक देखि १ किलोमिटर उत्तर चारकोसे जंगलभित्र ढलेको रुखको जराभित्र लुकाई राखेको अवस्थामा शव सडेको अवस्थामा फेला परेको हो ।
गाइवस्तु चराउँन गएका केराबारी ८ का रामवहादुर खत्री र मनोरथ कोइरालाले दुर्घन्ध आएपछि हेर्न जाँदा कुहिएको अवस्थामा रुखको जराभित्र लुकाई राखेको अवस्थामा शव देखेपछि प्रहरीलाई खबर गरेका थिए । शवको प्रकृति हेर्दा उनको हत्या गरी फालिएको हुनसक्ने प्रारम्भिक अनुसन्धानबाट पुष्टि भएको इप्रका बेलबारीका प्रहरी निरिक्षक सरोज खनालले बताउँनुभयो ।
उनको घरदेखि झण्डै ६ किलोमिटर दक्षिण एकता सामुदायिक वन र हजारविघा सामुदायिक वन समुहको सीमाक्षेत्र नजिकै वनभित्र शव लगेर लुकाइएर पालिएको अवस्थामा फेला परेको र घट्ना को विषयमा थप अनुसन्धान अघि वढाउने गरी आवश्यक सर्जिवन गरी पोष्टमार्टमका लागि पठाइएको छ इप्रका बेलबारीका प्रहरी निरिक्षक खनालले वताउनुभयो ।
केराबारी भोगटेनी रामपुर चल्ने सार्वजनिक बसमा खलासी काम गर्दै आएका मृतक भट्टराई मच्छिन्द्र मेला लागिरहेको समयमा पौष २८ गते बेलुका देखि एकाएक सम्पर्कमा नरहेको मृतकका दाजु भुपेन्द्र भट्टराइले बताउनुभयो । उनको खोजी तलासका लागि आफन्तले तत्काल प्रहरीमा उजुरी दिएका थिए ।
पौष २३ देखि २९ सम्म लागेको मच्छिन्द्र मेलामा २८ गते मंगलबार दिउसो सम्म कपितयले भेटेको बताएका छन् । यदपी केहीले मेलाको समयमा केही व्यक्तिहरुसंग झगडा भएको र केही व्यक्तिहरुले घिसार्दै उनलाई जंगलतिर लगेको समेत बताइएको छ । यदपी ती घट्नामा सलग्न व्यक्तिहरु को को हुन् रु क कसको झगडा भएको बारेमा भने पहिचान हुन सकेको छैन ।
प्रहरीमा उजुरी दिँदा र अनुसन्धानका लागि आवश्यक तथ्यहरु दिदासमेत प्रहरीले खोजतलासमा चासो नदिएको भन्दै केही बेर मृतकका बैनी र दाजुहरुले शव उठाउन अवरोध गरेका थिए । त्यसपछि प्रहरीले घट्नालाई सत्य तथ्य रुपमा छानवीन गरी अनुसन्धान अघि वढाउँने बताएपछि मृतकका आफन्त जनप्रतिनीधिको रोहबरमा शव उठाइएको छ ।
