जाजरकोट । जाजरकोटको कुशे गाउँपालिका–१ स्याँक्रीमा च्याउ खाएर एक बालिकाको मृत्यु भएको छ भने सात जना सिकिस्त बिरामी परेका छन् । मृत्यु हुनेका ३ वर्षीया बालिका अञ्जना चलाउनेको मृत्यु भएको गाउँपालिकाका अध्यक्ष हरीचन्द्र बस्नेतले जानकारी दिए । उनका अनुसार विषालु च्याउ खाँदा ५० वर्षीय टेकबहादुर चलाउने, ३० वर्षीय ललित चलाउने, ३० वर्षीया कल्पना चलाउने, ९ वर्षीया नीरुता सिंह, १२ वर्षीया धनसरा चलाउने र १४ वर्षीया औसरा चलाउने सिकिस्त बिरामी परेका हुन् ।
उनीहरूलाई थप उपचारको लागि सुर्खेत लैजान सेनाको हेलिकप्टर मगाइएको छ । जंगलबाट टिपेर ल्याएको च्याउ तीन घरका परिवारले खाएका थिए । उनीहरूको टाँपुचौरको निजी मेडिकलमा उपचार भइरहे पनि उपचार सफल नहुँदा गाउँपालिकाले हेलिकप्टरबाट उद्धार गर्न लागेको अध्यक्ष बस्नेतले जानकारी दिए ।
