काठमाण्डौ । बेलायती सरकारले कोरोना भाइरसका कारण मानसिक तनाव कम गर्नका लागि इंग्लिस प्रिमियर लिग चाँडो सुरु गर्ने तयारी थालेको बताएको छ । हाल कोरोनाका कारण लकडाउनमा रहेका जनताले प्रिमियर लिग सुरु भएमा मानसिक रुपमा राहत महसुस गर्ने बताए ।
कोरोनाका कारण मार्च १३ ताखिरबाट प्रिमियर लिग स्थगित रहेको छ । यो सिजन सुचारु गर्नका लागि आयोजकले बन्द रंगशालामा लिग गराउने योजना बनाएको छ । तर त्यसका लागि सरकारको अनुमति चाहिने भएकाले प्रिमियर लिगले औपचारिक निर्णय गर्न सकेको छैन ।
बेलायत सरकारले आइतबारमात्र यो विषयमा बैठक गरेर निर्णय गर्ने बताएको छ । प्रिमियर लिगका प्रमुखले बन्द भएपछिको लिगलाई सुरु गर्न जुन आठ तारिखको समय तोकेका छन । जसका लागि उनले तथष्ट मैदानमा गर्ने बताएका छन ।
प्रिमियर लिगले क्लबहरुलाई मुख्य रंगशालाको सट्टा प्रशिक्षण मैदान वा तथष्ट मैदानमा खेलाउन सकिने बताएको छ । खेलाडीलाई लिग सुचारु हुनुभन्दा ६ साता अगाडी देखि होटेलमा राखिनेसक्ने बताइएको छ ।
