काठमाडौं । तेस्रो संस्करणको सहिद मकवानपुर गोल्डकप फुटबल अनिश्चित समयको लागि स्थगित भएको छ । आयोजक मकवानपुर जिल्ला फुटबल संघले बिहिबार चैत अन्तिम साताबाट तय भएको प्रतियोगिता स्थगित गरिएको जनाएको छ । प्रतियोगिता चैत २५ गतेबाट आयोजना हुने बताईएको थियो ।
विश्वभर महामारीको रुपमा फैलिएको कोरोना भाईरसलाई मध्येनजर गर्दै नेपाल सरकार, राष्ट्रिय खेलकुद परिषद, अखिल नेपाल फुटबल संघले खेल गतिविधि बन्द गर्ने निर्णयसँगै प्रतियोगिता अर्को सूचना नआएसम्मको लागि स्थगित गरिएको जनाएको छ । यस्तै संघले चैत ८ गते तय भएको संघको साधारण सभा समेत स्थगित गरिएको जनाएको छ ।
