कर्णालीमा जिप खस्दा चारजनाको मृत्यु

बाजुरा । बाजुराको हिमाली गाउँपालिका ७ को खुलाचौरबाट कोल्टीतर्फ आउँदै गरेको जिप कर्णाली नदीमा खस्दा चार जनाको मृत्यु भएको छ। से१च १०६४ नम्बरको जिप नदीमा खसेको र जिपमा रहेकामध्ये चारजनाको मृत्यु भएको जिल्ला प्रहरी कार्यालय बाजुराका डिएसपी उद्धव सिंह भाटले जानकारी दिए। मृतकमध्ये एकजना रमेश शाहीको मात्र सनाखत भएको प्रहरीले जनाएको छ।