काठमाडौं । नेपाल एपिएफ क्लब चन्द्रागिरी मेयर गोल्ड कप फुटबलको फाइनलमा पुगेको छ । रुस्लान थ्री स्टार क्लबलाई सडन डेथमा हराउँदै एपिएफ उपाधि नजिक पुगेको हो । शुक्रबार हुने फाइलनमा एपिएफले अर्को विभागिय टोली नेपाल पुलिस क्लबको सामना गर्नेछ । ब्रिगेड ब्वाइज क्लबलाई १–० ले हराउँदै पुलिस मंगलबार अन्तिम दुईमा पुगेको थियो ।
चन्द्रागिरी नगरपालिकाको नैकाप फुटबल मैदानमा निर्धा्रित ९० र थप २० मिनेट पनि गोलरहित बराबरीमा टुंगिएपछि टाइब्रेकरमा एपिएफले बाजी मारेको हो । सडन डेथमा एपिएफ ९–८ ले विजयी भएको थियो । दुवैतर्फका समान ११ पेनाल्टी प्रहार गरेपछि नतिजा निस्केको थियो । सुरुवाती ५ पेनाल्टीमा ४–४ को बराबरी भएको थियो । थ्री स्टारका लागि ११ औं पेनाल्टी करण राउतले प्रहार गर्दा सफल हुन सकेन । एपिएफका लागि भने अमृत चौधरीको प्रहार सफल भएको थियो ।
तेस्रो संस्करणको प्रतियोगितामा ‘ए’ डिभिजनका १० टोली र आयोजकको दुई गरी १२ टोलीको सहभागिता रहेको छ । मंसिर १४ मा फाइनल खेल हुनेछ
