पोखरा– नेपाल पुलिस क्लबले राष्ट्रिय महिला भलिबल प्रतियोगिताको च्याम्पियन भएको छ । पोखराको लामाचौरमा सोमबार होंगान्जी न्यू डायमण्ड एकेडेमीलाई ३–० ले हराउँदै विभागिय टोली पुलिस तीज महोत्सव महिला भलिबलको च्याम्पियन बनेको हो ।
महत्वपूर्ण खेलाडी राष्ट्रिय टोलीको प्रशिक्षणमा रहेपछि दुई विभागिय टोली एपिएफ क्लब र त्रिभुवन आर्मी क्लबले प्रतियोगितामा भाग लिएका थिएनन् । अघिल्लो दिन समूह चरणमा हराउनका लागि केहि संघर्ष गरेको पुलिसले फाइनलमा भने सहज जित हासिल गरेको थियो ।
पोखराको लामाचौरमा पुलिसले न्यु डायमण्डलाई २५–१६, २५–१४ र २५–२० को सेटमा हराएको थियो । विजेता पुलिसले उपाधिसहित १ लाख रुपैयाँ र न्यु डायमण्डले ६५ हजार रुपैयाँ प्राप्त गरेको थियो ।
