राज्यले जुन समय दमन गरेको थियो, त्यसबेला आदिवासीहरु भाग्न सिवाय अरु केही गर्न सकेनन् - Pahilo Online

राज्यले जुन समय दमन गरेको थियो, त्यसबेला आदिवासीहरु भाग्न सिवाय अरु केही गर्न सकेनन्

writer

पहिलो अनलाइन

चन्द्रकुमार तामाङ (अध्यक्ष) नेपाल आदिवासी जनजाति महासंघ नगर समन्वय परिषद, पथरीशनिश्चरे, मोरङ

दिनचर्या कसरी बिताइरहनु भएको छ ?
अहिलेको समय भनेको प्रायःजसो गरेर व्यस्त नै रहने गरेको छु । धेरै संघसंस्थाहरुमा आबद्घ रहेकाले पनि समयलाई व्यस्त राख्दै नै दिनहरु बितिरहेको अवस्था छ ।

संघले नगरमा के कस्ता कामहरु गरेका छन् ?
विशेषगरी नेपाल आदिवासी जनजाति महासंघ नगर समन्वय परिषद् पथरीशनिश्चरेले नगरभित्र रहेका जनजाति तथा आदिवासी मुलका मानिसहरु जो चाहिँ राज्यबाट सम्बोधन हुन सकिरहेको अवस्था छैन र यसबाट पीडित हुनु भएका मानिसहरुका हक अधिकारका विषयमा काम गरेको छ । त्यस्तै त्यस्ता व्यक्तिहरुको माझमा आप्mना भाषा, धर्म, संस्कार, संस्कृति आदिको नाममा संरक्षण र संवर्धनका विषयहरुलाई लिएर कामहरु गर्ने कुरामा महासंघ अघि बढिरहेको छ ।

संघमा कहिलेबाट आबद्घ हुनुहुन्छ ?
पहिले पथरी र शनिश्चरे नगरपालिका नभईकनको समयमा आदिवासी जनजाति महासंघको गठन २०६६ सालमा भएको थियो । त्यस्तै उक्त महासंघमा सचिवको रुपमा रहेर काम सुरु गरेको हो । त्यस समयबाट नै हामीले आदिवासी जनजातिहरुमा जो पिछडिएका छन् र राज्यबाट सम्बोधन हुन सकिरहेको छैन । उहाँहरुको संरक्षण र संवर्धनका विषयलाई लिएर न्यायपूर्ण तरिकाबाट कामहरु भइरहेका छन् ।

कसरी नगरवासीहरुलाई समेट्नु भएको छ ?
अहिले चाहिँ राज्यबाट सम्बोधन हुन नसकेका जनजातिहरु र आधिवासीहरुका विषयलाई लिएर कामहरु भएका छन् । कतिपय मानिसहरुले उक्त कार्यलाई जातिवादीको रुप दिएर आरोप समेत दिने गरिएको पाइएको छ । तर कसैलाई हामीले गाली गरेको होइन र त्यस किसिमको बन्न पनि खोजेका होइनौं । हाम्रो भनाइ भनेको राज्यबाट सम्बोधन हुनुपर्छ भन्ने रहेको छ । हरेक तह र तप्कामा रहेका सम्पूर्ण आदिवासी जनजातिहरुले कुनै स्थानमा समानुपातिक समावेश गराउनु प¥यो । कुनै पनि संस्थामा जागिर खादादेखि लिएर राजनीतिक क्षेत्रको प्रवेशमा पनि समानुपातिक रुपमा समान सहभागिता हुनुपर्छ । त्यस्तै हामी केवल आदिवासी जनजातिका लागि मात्र नभई अन्य कुनै पनि जातिका मानिसहरु जो राज्यबाट सम्बोधन हुनबाट वञ्चित छन्, उहाँहरुको लागि पनि राज्यको पहुँच पुग्नुपर्छ भन्ने रहेको छ । यहि हिसाबले कामहरु अघि बढिरहेको छ ।

आप्mना माग र उद्देश्यहरु पूरा गर्ने क्रममा के कस्ता चुनौती र समस्याहरु आए ?
यस विषयमा कुरा गर्दा चाहिँ समस्या धेरै ने रहेका छन् । धेरै पहिलेबाट नै राज्यबाट हामीले आप्mना भाषा, धर्म, संस्कार, संस्कृति आदिलाई विस्थापित गर्दै लगिरहेका छौं । किनभने प्रदेश नम्बर ३ भित्र नेवार र तामाङ जातिको ठुलो बसोबास रहेको छ । जहाँबाट यो कुरा थाहा हुन्छ कि त्यहाँ र यहाँको तामाङ र नेवार जातिमा ठुलो भिन्नता आप्mनो हरेक भाषा, धर्मदेखि लिएर लवाइखुवाइमा पाइन्छ । राज्यले जुन समय दमन गरेको थियो र आदिवासीहरुमा जुन हिसाबको त्रास उत्पन्न भयो र भाग्न सिवाय अरु केहि रहेन । जसमा पनि केहि भाग्न सफल भए त केहि भने त्यही रहे । अहिले नेपाल अधिराज्यभरिका सबैजसो क्षेत्रमा तामाङ जाति पाउन सकिन्छ र रहेका छन् । मैले स्वयम् पनि एउटा सामाजिक अभियान्ता भएर अघि बढ्दा के थाहा पाए भन्दा अहिले पनि तामाङ समुदायका मानिसहरु जो आप्mनो भाषा, धर्म, संस्कार र संस्कृतिलाई जगेर्ना गर्ने हिसाबले जहाँ चाहिँ एकदमै भिराला स्थानमा बसिरहेको अवस्था छ । उहाँहरुको जिवन कष्टपूर्ण रहेको छ । तर पनि आप्mनो मौलिकता र धर्मलाई संरक्षण गर्ने हिसाबले र राज्यले विस्थापित गरेतापनि सेना प्रहरीबाट बच्न सक्ने स्थानहरुमा सुरक्षित रुपमा बसिरहेका छन् । यसरी नै हामी यहि क्रममा पूर्वमा मिश्रित रुपमा बस्न थाल्यौ र जसबाट हामीले आप्mनो बसोबासदेखि लिएर लवाज र भाषा पनि भुल्यौ । जसकारण हामीमा आप्mनो मौलिकता हराएको अनुभूति अहिले आएर भइरहेको छ । भाषा, संस्कृति विलय हुने अवस्था आयो । आदिवासी जनजातिहरुले आप्mनो भाषा, धर्म, संस्कार, संस्कृति मान्नुपर्छ भन्ने जुन प्रकारको हक अधिकार आएपछि हामीले पनि आदिवासी जनजाति महासंघमा आबद्घ भएर संस्कार संस्कृतिको संरक्षण गर्दै समावेशी र समानुपातिक रुपमा अघि बढ्दै केहि कदम चालेका छौं । हामीले योजनाहरु बनाउदै र त्यसै अनुसार पनि कामहरु गर्दै छौं ।

नगरमा कस्ता कार्यक्रमहरु उठान गरिएका छन् ?
आदिवासी जनजाति महासंघले धेरै राम्रा कामहरु गरेका छन् । हामी कामहरुको साथसाथै बढिरहेका छौं । तर राज्यले हामीलाई सम्मानित गर्न सकिरहेको अवस्था भने छैन । आदिवासी जनजातिहरुका हक अधिकारका विषयमा आइएलओ १६९ मा समावेश गरिएको छ । यसमा पनि सचेतनामूलक कामहरु, जनजाति समुदायहरु पछि पर्नुको विषयहरु, चेतना स्तर र आर्थिक स्तर वृद्धि जस्ता विषयहरु पनि समावेश गरिएका छन् । हामीले दिगो जिविकोपार्जनका लागि भनेर धार्मिक क्षेत्रलाई पनि जगेर्ना गर्ने किसिमका सचेतनामूलक कार्याक्रमहरु पनि सञ्चालन गरेका छौं । सम्पूर्ण जातिहरुलाई समेटेर लोकसेवा कक्षा पनि सञ्चालन गरेका छौं । त्यस्तै ती बाहेक अन्य विविध तालिमहरु जस्तै कम्प्युटर, प्लम्बिङ र इलेक्ट्रिसियन जस्ता तलिमहरु पनि सञ्चालन गरेका छौं । केहि नगरबाट हुनुपर्ने तालिमहरुलाई पनि हामीले आप्mनो संस्थाबाट नै सम्पन्न गरिसकेका छौं ।

अन्त्यमा केहि भन्नुहुन्छ ?
खासमा भन्नुपर्दा यस संस्थाले कुनै नयाँ काम गर्ने भन्ने सोचाइका साथ काम गर्दै जादा आहिले यो रुप लिन सफल भएको छ । धार्मिक विषयमा हुने द्वन्द्व भनेको नै धार्मिक तहहरुबाट नै सिर्जना हुने हुन्छ । त्यसको असर नेपालमा पनि पर्न सक्दैन भन्न सकिदैन । अहिले नयाँ खालको सोचबाट ५ धर्मका जसमा हिन्दु, बौद्घ, क्रिस्चियन, मुस्लिम र किरात गुरुहरुलाई एकै स्थानमा राखेर विश्लेषण गराई एउटा समाजमा धर्म सहिष्णुता गराउनुपर्छ र सम्मानको वातावरण तयार गर्ने उद्देश्यका साथ सञ्जाल बनेको छ । त्यस्तै उक्त सञ्जालमा आबद्घ भएपछि धेरै खुशी लागेको छ । खासमा एकअर्काको कुरा सुन्ने र बुभ्mने हो भने अवश्य पनि धार्मिक सहिष्णुता कायम रहन्छ । त्यसैले हाम्रो अभियान भनेको नै आपूm बुभ्mने र अरुलाई पनि बुभ्mाउने रहेको छ । त्यसपछि समावशी सद्भावको विषयको कुरा गर्ने र एकअर्काको कार्यक्रममा शुभकामना आदानप्रदान गर्ने जस्ता कार्य हुन्छन् । यदि सहिष्णुता कायम भएमा शान्तिपूर्ण वातावरण र आनन्दमय जिवन पनि सम्भव छन् ।

मा प्रकाशित

यसमा तपाईको मत:

  • भुल्के मिडिया प्रा.लि.द्वारा सञ्चालित
  • कम्पनी रजिष्ट्रारको का. २१५६६४–७५–०७६
  • स्थायी लेखा नं. ६०९५४०३५६
  • सूचना विभाग दर्ता नं. १३५१–०७५–७६
  • प्रेस काउन्सिल सूचिकृतः १७१९–२०७६
  • पथरी-शनिश्चरे–१, मोरंग
  • फोन : N/A
  • मोबाइल नं.: ९८४२०४७१४२
  • इमेल: jrmohan.brt@gmail.com,
  • pahiloonline@gmail.com
  • वेबसाइट: www.pahiloonline.com
  • सम्पादकः रामकुमारी राई

© Copyright 2017 - 2023 Pahiloonline pvt ltd. All Rights Reserved.

Design / Developed by Thbytes