जाँते । उत्तरी मोरङको लेटाङ–९ स्थित स्वर्गद्वारी सामुदायिक वन उपभोक्ता समूहले वन क्षेत्रमा फैलीएको अनावश्यक झाडी सफाई गरेको छ । आज शनिबार सयौंको संख्यामा उपभोक्ता भेला गरी वन भित्रको झाडी सफाई गरेको हो ।
सालको बाहुल्यता रहेको वनमा वनमारा झार उम्रिएर विरुवा हुर्कन नदिएको हुनाले गोडमेल गरिएको समूहका कोषाध्यक्ष टेकनाथ निरौलाले बताउनु भयो । ५६ दशमलब ३५ हेक्टर रहेको वन क्षेत्रमा हरेक वर्ष ३ हेक्टरका दरले झाडी सफाई गरिएको कोषाध्यक्ष निरौलाले जानकारी दिए । उक्त ३ हेक्टर सफाई गर्न १ सय ७ घरधुरी उपभोक्ताहरु दुई दिनसम्म लाग्ने उनले बताए ।
वन क्षेत्रमा अनावश्यक झाडीले विरुवा हुर्कन नदिएका कारण हरेक वर्ष सफाई गर्ने गरीएको समूहका सह–सचिव नरेन्द्र चेम्जोङ बताउँछन् ।
अन्य वन समूहको तुलनामा स्वर्गद्वारी सानो वन क्षेत्र र उपभोक्ता संख्या कम भएपनि वन पैदावरबाट आएको आम्दानीले वन विकासका साथै गरिवि न्यूनिकरण, सामाजिक विकासका उल्लेखनीय योगदान गरेको छ ।
