विराटनगर । मोरङ प्रहरीले चोरीको मोटरसाईकलसहित विराटनगर १३ घर भएका एक व्यक्तिलाई पक्राउ गरेको छ ।
विराटनगर १२ स्थित अजय बर्माको घरबाट बुधबार राति चोरी भएको मोटरसाईकल बिहीबार अपरान्ह प्रहरीले बरामद गरेको हो ।
सप्तरीको ढाक्नेश्वरी नगरपालिका ४ का मिथिलेशकुमार साहको मोटरसाईकल साथीको डेरामा आएर बसेको बेला चोरी भएको थियो । बर्माको घर कम्पाउण्डभित्रबाट चोरी भएको स ८ प ५०७६ नम्बरको मोटरसाईकल विराटनगर १३ का २५ को मिथिलेश कुमार झाको साथबाट नियन्त्रणमा लिएको प्रहरीले जनाएको छ ।
जोगवनीतर्फ डो¥याउदै लगिरहेको अवस्थामा विराटनगर १२ स्थित हनुमान मन्दिर छेउबाट मोटरसाईकलसहित झालाई पक्राउ गरेको प्रहरीले जानकारी दिभएको छ । उनी विरुद्ध चोरी मुद्दा अन्तर्गत म्याद थप गरी अनुसन्धान भईरहेको प्रहरीले जनाएको ।
यसैबीच मोरङ प्रहरीले दुई जना फरार अभियुक्तलाई पक्रा गरी अदालतमा बुझाएको छ । अदालतबाट जनही २ हजार जरीवाना तोकिएका बिराटनगर १४ बस्ने महेन्द्र शाह र फिरोज शाहलाई पक्राउ गरी अदालतमा बुझाएको मोरङ प्रहरीले जानकारी दिएको छ ।
