स्मृतिका यादहरू - Pahilo Online

स्मृतिका यादहरू

writer

दीपक वाग्ले

मलाई कसैले पागल भनिदिएँ
अनि मैले पागल हुने निर्णय गरेँ ।

अचेल म आफैसँग दुःखी छु
आफैभित्र दुःखी छु
सपनाहरू अब सपनानै रहनेछन्
स्मृतिहरु मसँगै बिलाउँनेछन्
यहाँ यथार्थ सबैलाई तितो लाग्छ भने
म मिठासको भ्रममा कदापि बाँच्न सक्दिनँ
बरु म तिम्रो स्वादमा तितो भएर बाँच्नेछु
अनि मैले तितो हुने निर्णय गरेँ ।

अचेल म सासविना बाँच्दैछु
लास जस्तो आशविना बाँच्दैछु
जाउँ तिमी खुशी खोज्न
पर सुदूरपूर्वको सहरमा
मर्नदेऊ मर्नेहरु यादहरुका रहरमा
यहाँ मृत्यु पनि जिन्दगी जस्तो लाग्छ भने
म जिउँनुको भ्रममा कदापि बाँच्न सक्दिनँ
हो बरु म तिम्रो सहरमा अदृश्य भएर नै बाँच्नेछु
अनि मैले गुमनाम हुने निर्णय गरेँ ।

अचेल नयनहरु नयन सँगै थकित छन्
क्षितिज पारीका सहरतिर भौतारिदै
तिम्रा पदचापहरू पछ्याउँदा पछ्याउँदै
टुङ्गिन सक्छन् मृत्युका पाइलाहरू
यहाँ फूलहरूले पनि घोच्न थाल्छन् भने
म चोटहरूको भ्रममा कदापि बाँच्न सक्दिनँ
हो बरु म तिम्रो वसन्तमा उजाड भएर बाँच्नेछु
अनि मैले गृष्म हुने निर्णय गरेँ ।

मलाई कसैले पागल भनिदियो
अनि मैले पागल हुने निर्णय गरेँ ।

मा प्रकाशित

यसमा तपाईको मत:

  • भुल्के मिडिया प्रा.लि.द्वारा सञ्चालित
  • कम्पनी रजिष्ट्रारको का. २१५६६४–७५–०७६
  • सूचना विभाग दर्ता नं. १३५१–०७५–७६
  • प्रेस काउन्सिल सूचिकृतः १७१९–२०७६
  • पथरी-शनिश्चरे–१, मोरंग
  • सम्पर्क:  ९८४२०४७१४२
  • इमेल: jrmohan.brt@gmail.com,
  • pahiloonline@gmail.com
  • वेबसाइट: www.pahiloonline.com
  • सम्पादकः रामकुमारी राई

© Copyright 2017 - 2024 Pahiloonline pvt ltd. All Rights Reserved.

Design / Developed by Thbytes