विराटनगर । अतिविपन्न ऋषिदेव (मुसहर) समुदायलाई लक्षित गरी मोरङको धनपालथान गाउँपालिका–१ म सञ्चालित सामुदायिक तथा सिंचाईं उप–परियोजना समुदायमा हस्तान्तरण गरिएको छ ।
बुधबार नोचाको स्थानीय गढेरिया टोलमा निर्मित डिप बोरिङसहितको परियोजनालाई हस्तान्तरण गरिएको हो ।
नारी विकास संघको समन्वयमा गरिबी निवारण कोषको ४ लाख ७४ हजार रुपैयाँ सहयोगमा डिपबोरिङसहित एकै टोलमा दुई स्थानमा पानीतान्ने पम्पसेट जडान गरिएको छ । कोषका इन्फा चिफ दिलमानसिंह बस्नेत, विश्व बैंकका कन्सलटेन्ट टासी छिरिङ, संघकी सचिव इश्वरी पौडेल, उपाधयक्ष शारदा खनालले संयुक्त रुपमा परियोजना हस्तान्तरण गरे ।
टोलमा रहेका २२ घर परिवार सदस्य रहेको दिनाभद्री सामुदायिक संस्थाको पहलमा ८ बिघा जग्गा भाडामा लिएर मुसहर समुदायले सामुदायिक खेती गर्न सुरु गरेपछि सिचाईका लागि दाताले सहयोग गरेका हुन् । पिछडिएको दलित समुदायको जीवनस्तर उकास्ने उद्देश्यले सहयोग गरिएको हो ।
ार्यक्रममा वडाअध्यक्ष जनकलाल चौधरी, जग्गादाता कन्हैयालाल चौधरी, संस्थाका सदस्य झरिलाल ऋषिदेवलगायतले पिछडिएको समुदायलाई भएको सहयोग निकै प्रभावकारी बनेको चर्चा गरेका थिए ।