विराटनगर । बैदेशिक शैक्षिक अनुभवका निम्ति विद्यार्थीहरुलाई प्रोत्साहन गर्दै आएको बिराटनगरको मेरिल्याण्ड कलेजले यो वर्ष पनि बिद्यार्थीलाई बैदेशिक शैक्षिक भ्रमणमा पठाउने भएको छ ।
गएको २ वर्षदेखि कलेजले हरेक वर्ष कलेजका बिद्यार्थीहरुलाई विदेश भ्रमणको लागि बेलायतको युनिभर्सिटी अफ वल्भरह्यामटनको छात्रवृत्ति दिने गरेको छ ।
यो वर्ष पनि कलेजका २ जना बिद्यार्थी बेलायतको समर क्याम्प २०१८ को लागि जाने भएका छन् । कलेजमा बेलायतको बिबिएम कोर्ष पढाई हँुदै आएको छ । विद्यार्थीलाई विश्वविद्यालयले छानेर १५ दिने बेलायत भ्रमणको लागि लैजाने कलेजका एकेडेमिक निर्देशक डा. दिब्येश चन्दले बताउनुभयो ।
चन्दका अनुसार उनीहरुले त्यहाँ छदा अन्य देशबाट आएका बिद्यार्थीहरु सहित विश्वविद्यालयमा बिभिन्न कक्षा लिनुको साथै अन्य विद्यार्थीसँग छलफल गर्नेछन् । बिभिन्न अभ्यासबाट छानिएका २ विद्यार्थीहरु साउन ६ गतेदेखि २० गतेसम्मको बेलायतको शैक्षिक भ्रमणमा जाने कलेजले जानकारी दिएको छ ।
छात्रवृत्तिको सम्पूर्ण छनोट प्रक्रिया बेलायती विश्वविद्यालयले नै गर्ने कलेजले जनाएको छ । बिद्यार्थीहरुको भ्रमणको सम्पूर्ण खर्च कलेज र विश्वविद्यालयले नै प्रदान गर्नेछ । शैक्षिक भ्रमणले बिद्यार्थीहरुको आत्मबल, क्षमता र अन्तरास्ट्रिय अनुभब बढाउने कलेजले अपेक्षा राखेको छ ।
इनोभेट नेपाल ग्रुपको व्यस्थापनमा सञ्चालित कलेजमा बेलायतको बिजनेस डिग्री सर्वशुलभ शुल्कमा पढाइ हँुदै आएको छ ।