दमक । झापाको दमकमा दमक गोल्डकप बुधबारदेखि सुरु हुँदैछ । प्रतियोगीताको उद्घाटन प्रधानमन्त्री केपी शर्मा ओलीले गर्ने कार्यक्रम छ ।
नगरपालिका अन्तर्गतको दमक नगर खेलकुद विकास समितिको आयोजनामा दमक गोल्डकप हुन लागेको हो । प्रतियोगितामा प्रदेश–१ कै सर्वाधिक पुरस्कार राशी राखिएको आयोजकको दाबी छ ।
प्रतियोगिताको उपाधि विजेताले १३ लाख ११ हजार रुपैयाँ पाउनेछन् भने प्रतियोगिता सम्पन्न गर्न एक करोड ३६ लाख रुपैयाँ लाग्ने अनुमान गरिएको आयोजक प्रचार समिति संयोजक चन्द्र दाहालले जानकारी दिनुभयो ।
दमक गोल्डकपले दमकको राष्ट्रिय पहिचान स्थापित गर्न पनि सघाउ पु¥याउने अपेक्षा गरिएको खेलकुद विकास समितिका अध्यक्ष केन्द्र प्रसाईंले बताउनु भयो ।
प्रतियोगितामा झापा ११, मनाङ् मस्र्याङ्दी, त्रिभुवन आर्मी, सशस्त्र प्रहरी, नेपाल पुलिस, थ्री स्टार, सरस्वती क्लब, रूपन्देही ११, मदन भण्डारी स्पोर्टस एकेडेमी र आयोजका टिम सहभागी हुने भएका छन् । वैशाख २८ मा फाइनल हुने प्रतियोगिता दमकस्थित दमक बहुमुखी क्याम्पसको खेल मैदानमा हुनेछ ।
