बेपत्ता बालक बैजनाथ दासविराटनगर । विराटनगरमा अध्यनरत सप्तरीका एक बालक गएको फागुन महिनादेखि बेपत्ता भएका छन् ।
सप्तरीको हनुमान नगर कंकालिनी नगरपालिका–९ का १५ वर्षीय बैजनाथ दास गएको फागुन २० गतेबाट वेपत्ता भएका हुन् ।
विराटनगरकै सगरमाथा बोर्डिङ स्कुलमा अध्यनरत बालक दास होली पर्वको छुट्टिमा फागुन १६ गते घर गएर आफ्ना फुफाजुसँगै २० गते फर्किएका थिए ।
आफन्तसँगै आफू बस्ने विद्यालयको होस्टलको गेटसम्म आईपुगेका उनी त्यहींबाट वेपत्ता भएको बालकका बुबा कृष्णकुमार दासले जानकारी दिनुभयो । घटनाको विषयमा विराटनगरमा पत्रकार सम्मेलन गरेर जानकारी गराउंदै उहाँले फुफाजुसँगै होस्टलको गेटसम्म पुगेका उनी एक छिनपछि भित्र जान्छु भनेर फुफाजुसँग छुट्टिएपछि वेपत्ता भएको बताउनुभयो ।
त्यसलगत्तै खोजतलासका निम्ति प्रहरीमा निवेदन दिएपनि हालसम्म पत्ता लगाउन नसकेको बालकका बुबा दासले जानकारी दिनुभयो । उहाँले घटनालाई प्रहरीले गम्भीरतापूर्वक नलिएको गुनासो गर्नुभयो । बालक अध्यनरत विद्यालयका संस्थापक अध्यक्ष बासुदेव न्यौपानेले वेपत्ता भएका बालक अध्ययन र खेलकुद सबै हिसाबले अब्बल रहेको जानकारी गराउनुभयो ।
