विराटनगर । बलात्कार प्रयास गरेको आरोपमा विराटनगर स्थित नोबेल मेडिकल कलेज विराटनगरमा एमबीबीएस अध्ययनरत एकजना विद्यार्थी पक्राउ परेका छन् ।
सप्तरी राजविराज–३ बेलहीका मनिष मिश्रले विराटनगरस्थित एक अस्पतालमा नर्सिङ्ग पेशामा कार्यरत महिलामाथि बलात्कार प्रयास गरेको आरोपमा प्रहरीले पक्राउ गरेको हो ।
आफूमाथि मिश्रले बलात्कार प्रयास गरेकोे भन्दै पीडितले मोरङ प्रहरीमा बिहीबार जाहेरी दिएकी थिइन् । मंगलबार साँझ ड्युटीबाट घर जाने क्रममा गाडी नपाएपछि तनाबमा परेकी युवतीलाई मिश्रले घर पु¥याईदिने भन्दै मोटरसाईकलमा बसाएका थिए । त्यसबेला पानी परेकोले चिनजानकै युवाको कोठामा युवती गएकी थिइन् ।
आफूलाई कोठामा लगेपछि ढोका बन्द गरेर जर्बरजस्ती करणी प्रयास गरेको पीडितको आरोप छ । त्यसपछि आपूm होहल्ला गर्दै भागेर बाहिर निस्किएको उनले बताएका छन् । मिश्रको कोठाबाट भागेकी युवतीलाई आयल निगम उत्तर एकजना प्रहरी जवानले पनि पिछा गरेका थिए । स्थानीयले महिला लखेटिएको देखेपछि सोधखोज गर्दा प्रहरी जवान भागेको बताइएको छ ।
स्थानीयकै सहयोगमा प्रहरी र परिवारले युवतीको उद्धार गरेका थिए । घटनापछि पीडितले बुधबार दिइएको जाहेरीका आधारमा प्रहरीले मिश्रलाई नियन्त्रणमा लिएको हो । उनी विरुद्ध जर्बरजस्ती करणी अभियोगमा म्याद थप गरि अनुसन्धान सुरु गरिएको मोरङका प्रहरी उपरीक्षक अरुणकुमार बिसीले जानकारी दिनुभयो ।
युवतीलाई जर्बरजस्ती करणी प्रयास गर्ने मिश्र नोबेल मेडिकल कलेजमा नवौं ब्याजका एमबीबीएस अध्ययनरत विद्यार्थी हुन् ।
