विराटनगर । मोरङ्ग प्रहरीले विराटनगरबाट अबैध लागुऔषधसहित दुई जनालाई पक्राउ गरेको छ । विराटनगर १९ स्थित घिनाघाटबाट चेकजाँज गर्ने क्रममा बिराटचौकतर्फ जाँदै गरेका सुनसरीको धरान ८ घर भई सुन्दरहरैचा ७ वस्ने २८ वर्षीय शुक्रबहादुर लिम्बू र धरान ८ बस्ने २६ वर्षीय सुबास लिम्बू लागुऔषधसहित पक्राउ परको हुन् ।
उनीहरु सवार को १३ प ३३९ नम्बरको पल्सर मोटरसाईकलमा प्लास्टिकको जेब्रा झोलामा राखेको अबैध लागुऔषध प्रहरीले बरामद गरेको हो । उनीहरुको साथबाट स्पास्मो प्रोक्सिभन ट्याब्लेट ३४३२ थान, नाईट्रोसन ट्याब्लेट १०० थान र २२ बोतल डाईलेक्स बरामद गरिको प्रहरीले जनाएको छ ।
लागुऔषध ओसारपसारमा संलग्न दुबैलाई जिल्ला प्रहरी कार्यालयको हिरासतमा राखेर थप अनुसन्धान भइरहेको प्रहरीको भनाइ छ ।
