अवैध गर्भ रहेपछि मार्ने प्रयास - Pahilo Online

अवैध गर्भ रहेपछि मार्ने प्रयास

writer

पहिलो अनलाइन

सुनियालाई मार्ने प्रयास गरेको आरोपमा पक्राउ परेका झा

विराटनगर । अवैध गर्भ बसेपछि सुनसरीकी बराहा गाउँपालिकाकी एक महिलालाई मार्ने प्रयास गर्ने एक जना पक्राउ परेका छन् ।

सुनसरी बराह नगरपालिका–७ की ३० वर्षीय सोमनी भन्ने सुनिया मुसहरलाई सोही ठाउँका २३ वर्षीय अजय झाले जंगलमा लगेर मार्ने प्रयास गरेको प्रहरीको दाबी छ । झालाई पत्रकार सम्मेलन गरी शुक्रबार विराटनगरमा प्रहरीले सार्वजनिक गरेको छ ।

सुनिया मुसहरलाई मोरङको बेलबारी नगरपालिका १० स्थित भाउन्ने चोक उत्तर जंगलमा बेवारिसे अवस्थामा गत फागुन २६ गते स्थानीयले फेला पारेका थिए । अवैध यौन सम्पर्कपछि गर्भ रहेपछि झाले सुनियालाई मार्ने उद्देश्यले सोही ठाउँका सन्तोष तामाङ्गको सहयोगमा भाउन्नेको जंगलमा पु¥याएको मोरङका प्रहरी प्रमुख एसपी अरुणकुमार बिसीले बताउनु भयो ।

सुनियाको ७ महिनाको गर्भ भने खेर गएको छ । बेहोस अवस्थामा भेटिएकी उनलाई प्रहरीले तत्कालै उद्धार गरी विपी कोइराला विज्ञान प्रतिष्ठान धरानमा उपचार गराएको थियो । घटनामा संलग्न झालाई ज्यान मार्ने उद्योग, जबरजस्ती करणी र गर्भपतन अन्तरगत म्याद थप भई थप अनुसन्धान गरिरहेको मोरङ प्रहरीले जनाएको छ ।

मा प्रकाशित

यसमा तपाईको मत:

  • भुल्के मिडिया प्रा.लि.द्वारा सञ्चालित
  • कम्पनी रजिष्ट्रारको का. २१५६६४–७५–०७६
  • स्थायी लेखा नं. ६०९५४०३५६
  • सूचना विभाग दर्ता नं. १३५१–०७५–७६
  • पथरी-शनिश्चरे–१, मोरंग
  • फोन : N/A
  • मोबाइल नं.: ९८४२०४७१४२
  • इमेल: jrmohan.brt@gmail.com,
  • pahiloonline@gmail.com
  • वेबसाइट: www.pahiloonline.com
  • सम्पादकः रामकुमारी राई

© Copyright 2017 - 2023 Pahiloonline pvt ltd. All Rights Reserved.

Design / Developed by Thbytes