पाँचथर । आफ्नै नाबालिका नातिनीलाई पटक–पटक बलात्कार गरेको आरोपमा पाँचथरबाट ५८ वर्षीय वृद्धलाई प्रहरीले पक्राउ गरेको छ ।
पाँचथरको याङवरक गाउँपालिका ६ का ५८ वर्षीय बृद्धले आफ्नै नातिनीलाई पटक–पटक बलात्कार गरेको आरोपमा प्रहरीले पक्राउ गरेको हो ।
बालिकाका बुबा बैदेशिक रोजगारमा गएको र आमाले दोस्रो विवाह गरेर बालिकालाई छोडेपछि उनी हजुबुबा र हजुरआमासँग बस्दै आएकी थिइन् । ती बृद्धले नातिनीलाई पुस १ गतेदेखि पटक–पटक बलात्कार गरेको खुलेपछि पक्राउ गरेको पाँचथरका प्रहरी प्रमुख बामदेव गौतमले बताउनुभयो ।
बालिकाका बुबा १० वर्षदेखि बैदेशिक रोजगारीका छन् । हजुरबाबाट बलात्कृत ती बालिकाका विषयमा सूचना प्राप्त भएपछि निजलाई पक्राउ गरेर बालिकाको उद्धार गरी उपचार शुरु गरिएको छ । बालिककालाई सुरक्षित आवासगृहमा राखिएको छ ।
आरोपित हजुरबुबालाई पाँचथर जिल्ला अदालतमा म्याद थप गरि अनुसन्धान शुरु गरिएको प्रहरीले जनाएको छ । चालु आर्थिक वर्षको चैत्र सम्ममा पाँचथरमा १० वटा जवरजस्ती करणी र २ वटा बाल यौन दुराचारका घटना भएको तथ्याङ्क छ ।
