विराटनगर । परिवर्तनको लागि हातेमालो संस्थाले विराटनगरको कोशी अञ्चल अस्पताल परिसरमा शनिबार सरसफाइ गरेको छ ।
युवाहरू आवद्ध रहेको संस्थाले शनिबार अस्पताल परिसरमा सरसफाइ गरेको हो । अस्पताल परिसरभित्र फोहर धेरै भएको जानकारी आएपछि युवाहरूको संस्थाले सरसफाइ गरेको अभियान्ता विनोद परियारले बताए ।
‘अस्पताल जस्तो संम्वेदनशिल स्थानमा फोहरले दुर्घन्दित भएपछि सरसफाइ गर्न गएका हौं,’ अभियान्त परियारले भने, ‘अस्पतालभित्रको थुप्रै फोहर उठाएका छौं ।’ अस्पतालको भित्ता जथावाभी फोहोर गर्ने प्रबृत्ति रोक्न हातेमालो संस्थाले भगवनाको फोटोसमेत विभिनन स्थानमा राखेको छ ।
पान, गुड्खा खाएर अस्पताको भित्ताहरू थुक्ने प्रबृत्ति रोक्न भगवानको फोटो टाँसेको अभियान्ता सुशिल रिजालको भनाइ छ । अस्पताल परिसरमा १ सय वटा भगवानको फोटो टाँसिएको छ । शनिबार नै १० लिटर फिनेल लगाएर सफाइ गरिएको संस्थाले जनाएको छ ।
संस्थाले अस्पताल प्रशासनलाई अस्पतालजस्तो संम्वेदनशिल ठाउँमा सरसफाइ राख्न सुझाबसमेत दिएको थियो । परिवर्तनको लागि हातेमालो संस्थाले महानगर क्षेत्रमा सरसफाइ अभियान सुरू गरेको पाँचौ हप्ता रहेको अभियान्ता तुलसी घिमिरले जानकारी दिएका छन् । संस्थाले यसअघि महानगर क्षेत्रको विभिन्न स्थानमा सरसफाइ गरिसकेको छ ।
