विराटनगर । विराटनगर–११ मा रहेको सगरमाथा सेकेन्डरी बोर्डिङ स्कूलले २२ औं विद्यार्थी दिवश बिहीबार विभिन्न कार्यक्रम गरी मनाएको छ ।
स्कूलको प्राङ्गणमा आयोजित कार्यक्रममा आन्तरिक खेलकुदमा उत्कृष्ट हुने कक्षा नर्सरीदेखि कक्षा १० सम्मका विद्यार्थीहरुलाई पुरस्कृत गरिएको स्कूलका प्रिन्सिपल विनोद अधिकारीले जानकारी दिनुभयो ।
स्कूलमा गएको माघमा १५ दिनसम्म खेलकुद प्रतियोगिता भएको थियो । खेलकुद कार्यक्रममा वेलुन रेस, चकलेट रेस, ब्यालेन्स रेस, एक सय मिटर दौड, चित्रकला, हाजिरी जवाफ, वकृत्वकला, नृत्य, गायन प्रतियोगिता, हाईजम्प, लङजम्प र टेबल टेनिसलगायतका खेलहरु समावेश गरिएको थियो ।
सोही अवसरमा कक्षागत रुपमा स्कूलका अनुसाशित विद्यार्थीहरु कक्षा ६ का आदर्श चौधरी र श्रृष्टि मेहता, कक्षा ७ का पसन्न चौलागाई र अप्सरा चौधरी तथा कक्षा ८ का दिपक यादव र प्रजिता साहलाई पुरस्कृत गरिएको स्कूलले जनाएको छ । पुरस्कृत हुनेहरुलाई स्कूल व्यवस्थापन समितिका संस्थापक अध्यक्ष बासुदेव न्यौपाने, प्रिन्सिपल विनोद अधिकारी, निर्देशक त्रिलोचन गौतम तथा स्कूलका शिक्षकहरुले पुरस्कार गरेका थिए ।
