रासन कटौती रोक्न माग - Pahilo Online

रासन कटौती रोक्न माग

writer

पहिलो अनलाइन

मोरङको पथरिशनिश्चरे नगरपालिका प्रमुखलाई ज्ञापनपत्र बुझाउँदै शरणार्थी प्रतिनिधिहरु

पथरी । झापाको दमक तथा मोरङको पथरिशनिश्चरेमा रहेका भुटानी शरणार्थीहरूले लगातारको रासन कटौतीले जीवन निर्वाहनै कठिन भएको भन्दै स्थानीय सरकारसँग कटौती रोक्न मागेका छन् ।

तेस्रो देश पुनर्वास प्रक्रिया सुरु भएपछि शिविरमा रहेका शरणार्थीहरूको जीवन निर्वाह र बाँच्न पाउने अधिकारमाथि नै उपेक्षा गरिएको शरणार्थीहरूको दुखेको छ ।

हाल शरणार्थीहरूको झापाको दमक र मोरङको पथरीशनिश्चरे नगरपालिकाका प्रमुखहरूलाई उनीहरूले बाँच्न पाउने अधिकारको रक्षा गरिदिन आग्रह गरेका हुन् । शरणार्थीहरूको टोलीले राहत कटौती गरेपछि पछिल्लो समय शिविरमा आएको समस्याबारे स्थानीय सरकारलाई जानकारी गराएको पथरीशनिश्चरेस्थित शिविरका सचिव चम्पासिंह राईले बताउनुभयो ।

लगातारको राहत कटौतीले दुई छाक टार्नसमेत कठिन भएपछि जीवन रक्षाको पहल गरिदिन आग्रह गरिएको शरणार्थीको भनाइ छ । शरणार्थी शिविर बेल्डाँगीका सचिव टीकाराम रसाईलीका अनुसार दमकस्थित बेल्डाँगी शिविरमा हाल रासन लिँदै आएका शरणार्थीहरूको संख्या ५ हजार छ भने पथरीशनिश्चरेमा १५ सयको हारहारीमा छन् ।

सुरुमा लुगाफाटोसहित पौष्टिक आहार र तेल, मसला तथा तरकारीसमेत दिने गरेकोमा अहिले कटौती गरेको शरणार्थीले बताएका छन् । शरणार्थीलाई हाल दातृ निकायले २८ दिनका लागि प्रतिव्यक्ति ९ केजीको दरले चामल मात्र दिने गरेको छ । अपाङ्गता भएका, अशक्तलगायतका लागि थप तीन किलो दिइन्छ ।

शरणार्थीहरूलाई आश्रय दिँदै आएका झापा र मोरङका दुई नगरपालिकाले शरणार्थीहरूको सवालमा आफूहरूले पहल गर्ने बाहेकका अधिकार नभएको बताएका छन् । शरणार्थीहरूको ज्ञापन पत्र बुझेपछि पथरीशनिश्चरे नगरपालिकाका प्रमुख दिलिपकुमार राईले मानवीयताको सम्मान गर्दै शरणार्थीहरूले भागेका समस्याबारे दातृनिकायका अधिकारीहरूसँग छलफल चलाइने आश्वासन दिनुभएको थियो ।

मा प्रकाशित

यसमा तपाईको मत:

  • भुल्के मिडिया प्रा.लि.द्वारा सञ्चालित
  • कम्पनी रजिष्ट्रारको का. २१५६६४–७५–०७६
  • स्थायी लेखा नं. ६०९५४०३५६
  • सूचना विभाग दर्ता नं. १३५१–०७५–७६
  • पथरी-शनिश्चरे–१, मोरंग
  • फोन : N/A
  • मोबाइल नं.: ९८४२०४७१४२
  • इमेल: jrmohan.brt@gmail.com,
  • pahiloonline@gmail.com
  • वेबसाइट: www.pahiloonline.com
  • सम्पादकः रामकुमारी राई

© Copyright 2017 - 2023 Pahiloonline pvt ltd. All Rights Reserved.

Design / Developed by Thbytes