विराटनगर । पूर्वाञ्चलस्तरीय मिस्टर एण्ड मिस टिन २०१८ को दोस्रो अडिसनमा ६१ जना सहभागी भएका छन् । विराटनगरमा शनिबार दोस्रो अडिसन सकिएको हो । पहिलो अडिसनबाट सोही प्रतियोगिताका लागि ४१ जना सहभागी भएका थिए ।
१३ देखि १९ वर्ष उमेरका युवा युवतीको सहभागीता रहेको प्रतियोगितामा विभिन्न १३ विधामा प्रतिस्पर्धा हुने आयोजकले जनाएको छ । जिम्न्याष्टिक, एरोबिक, कराते, स्वीमिङलगायतका विधा रहने प्रतियोगिताका निर्देशक जतिन ताम्राकारले जानकारी दिनुभयो ।
दोस्रो अडिसनमा कक्षा ९ देखि १२ सम्ममा अध्ययनरत विद्यार्थी सहभागी थिए । प्रतियोगिताको फाइनल भने आगामि जेठ महिनामा हुनेछ । प्रतियोगिताले टिनेजर्सलाई हरेक कुरामा सक्षम बनाउनका लागि भूमिका खेल्ने ताम्राकारको दाबी छ ।