पथरी । मोरङको पथरीशनिश्चरे ७ को किर्तिपुर र कल्याणचोक जोड्ने पथरी खोलामा बन्ने पुलको शिलान्यास भएको छ ।
बुधबार एक कार्यक्रमबीच नगरपालिका प्रमुख दीलिपकुमार राई, प्रमुख प्रशासकीय अधिकृत पुरुषोत्तम घिमिरे, वडाध्यक्ष कपिलमणि ढकाल र स्थानीय समाजसेवी जहरमान लिम्बूले संयुक्त रुपमा पुल शिलान्यास गर्नुभएको हो ।
नगरपालिकाको ३५ लाख रुपैयाँ बजेटमा स्थानीय उपभोक्ताबाट ५ लाख ५० हजार रुपैयाँ संकलन गरी ४० लाख ५० हजार रुपैयाँको लागतमा १४ दशमलव ९ मिटर लम्वाई र ५ दशमलव ९ मिटर चौडाईको पुल निर्माण हुनेछ । सो ठाउँमा भाटाको पुल लगाएर दुःखले वारिपारी गर्नेहरुका लागि अब बन्ने पुलले सहजता प्रदान गर्ने नगरपालिकाको विश्वास छ ।
