विराटनगर । युएस बंगाल एयरलाइन्सको जहाज दुर्घटनामा मृत्यु भएकालाई श्रद्धाञ्जली तथा घाइतेको स्वास्थ्यलाभको कामना गर्दै विराटनगरका विभिन्न ६ वटा औषधी व्यवसायी तथा बिक्री प्रतिनिधि संघ संस्थाले मंगलबार साँझ मैनवत्ती बालेका छन् ।
नेपाल औषधी थोक ब्यवसायी संघ, नेपाल औषधी तथा बिक्री प्रतिनिधि संघ, नेपाल औषधी संञ्चालक संघ, नेपाल औषधीगत बिक्री प्रवन्धक संगठन, मेडिकल ल्याबोरेटरी एशोसिएसन अफ नेपाल र खाद्य, आयूर्वेद, पौष्टिक आहार तथा सौन्दर्य सामाग्री बिक्रेता संघका प्रतिनिधिले विराटनगरस्थित जिल्ला प्रशासन कार्यालय अगाडिको लायन्स चोकमा मैनवत्ती बालेर मृतकप्रति श्रद्धाञ्जली व्यक्त गरेका हुन् । उनीहरुले घाइतेको शीघ्र स्वास्थ्यलाभको कामना समेत गरेका छन् ।
उनीहरूले जहाज दुर्घटनाको निष्पक्ष छानविन गरि मृतक स्वदेशी तथा विदेशि नागरिकका परिवारलाई उचित क्षतिपूर्ति र घाइतेहरुको उपचारकोलागि व्यवस्था मिलाउन सरकारलाई आग्रह समेत गरेका छन् ।
