उर्लाबारी । मोरङको रतुवामाई नगरपालिका ९ स्थित धाद्रामा आइतबार बिहानैदेखि ६ वटा हात्ती गाउँ पसेपछि स्थानीय त्रसित बनेका छन् ।
हात्ती गाउँ पसेपछि अहिले सो क्षेत्रमा नेपाल प्रहरी, सशस्त्र प्रहरी र वन बिभागका कर्मचारीहरुले हात्तीलाई जङ्गलतिर फर्काउने कोशिस गरिरहेका छन् ।
ईलाका प्रहरी कार्यालय सिजुवाका सहायक प्रहरी निरीक्षक रामकाजी कटुवालका अनुसार बिहानै ६ बजेदेखि एकै स्थानमा बसिरहेको सो हात्ती भार तर्फबाट आएको हुनसक्ने अनुमान छ । हात्तीलाई पथरी जङ्गलतर्फ धपाउने प्रयास भइरहेको छ ।
हसन्दह र रतुवामाईस्थित अमरदहमा जंगली हात्तीले घर तथा अन्नवालीमा क्षति पु¥याएर आतंक सिर्जना गरिरहेको छ । हात्ती गाउँ पसेर क्षति पु¥याएको खबर आएपछि पथरीशनिश्चरे नगरपालिका प्रमुख दीलिपकुमार राई, प्रमुख प्रशासकीय अधिकृत पुरुषोत्तम घिमिरे, इलाका प्रहरी पथरी प्रमुख विजय श्रेष्ठ, वडा नम्बर ५ का अध्यक्ष जोगबहादुर धिमाल र ६ का अध्यक्ष जयवहादुर तामाङ सहितको टोलीले स्थलगत अनुगमन गरेको थियो ।
हात्तीको समूले वडा नम्बर ५ नम्वरको त्रिवेणी चोकका गोपाल तिम्सिनाको १० औं मन धान खाएर क्षति पु¥याएको छ भने गहुँवाली नष्ट गरेको छ । गुराँस टोलका मोतीराम शर्माको घरको टाटी भत्काएको र पुल्चोककी गीता निरौलाको घरको भित्तो र भान्साको छानो मर्काएको प्रहरीले जनाएको छ ।
हात्तीले दिउँसैदेखि खोलामा आएर वसेका र राती गाउँमा पसेर आतंक सिर्जना गरेका कारण गाउँलेहरु रातभरी जाग्राम बसेका थिए । हात्ती सोमबार पश्चिम कानेपोखरी गाउँपालिकाको सीमातर्फको डाँसखोलातिर लागेकोछ ।
