झोराहाट(मोरङ) । मोरङको ग्रामथान गाउँपालिका ६ मा सिहल सिमसार उद्घाटन गरिएको छ । जिल्ला वन कार्यलय मोरङका जिल्ला वन अधिकृत डा.बिनोदप्रसाद देवकोटाले सोमबार रिवन काटेर सिमसार उद्घाटन गर्नुभएको थियो ।
सिमसार विकास, प्रवद्र्धन र संरक्षणका लागि जिल्ला वन कार्यालयले गत जेठमा बृक्षारोपण गर्नका लागि निःशुल्क विरुवा, प्राविधिक सहयोग र १ लाख ८८ हजार रुपैयाँ अनुदान सहयोग गरेको थियो । अहिले सिमसार क्षेत्र व्यवस्थापनका लागि ४ लाख रुपैयाँ उपलब्ध गराएको छ ।
सिमसार क्षेत्र उद्घाटन कार्यक्रममा विद्यार्थी, शिक्षक, समाजसेवी, राजनैतिक दलका प्रतिनिधि, बुढीगंगा गाउँपालिकाका उपाध्यक्ष, वडा अध्यक्षहरु, सदस्यहरु, ग्रामथान गाउँपालिकाका उपाध्यक्ष, वडाअध्यक्षहरु, सदस्यहरु संघ सस्थाका प्रतिनिधिहरुको सहभागिता थियो ।
उद्घाटन कार्यक्रममा वक्ताहरुले सिमसार क्षेत्र निर्माण विकास र प्रवद्र्धनका लागि थप सहयोगको खाँचो रहेको बताए ।
बाबुराम मुडियारी
