विराटनगर । १०८ औं अन्तराष्ट्रिय श्रमिक महिला दिवशको अवसरमा विराटनगरमा बिहीबार विभिन्न कार्यक्रमको आयोजना गरिएको छ । अन्तराष्ट्रिय महिला दिवश मूल समारोेह समितिले विराटनगरमा विहान प्रभातफेरीको आयोजना गरेको थियो ।
प्रभात फेरीपछि आयोजित कार्यक्रमलाई सम्वोधन गर्नुहुदै १ नम्वर प्रदेशका सामाजिक विकास मन्त्री जीवन घिमिरेले महिलामाथि हेर्ने दृष्किोण तथा महिलामाथिको विभेद अझै पनि कायम रहेको बताउनुभयो । उहाँले महिलाहरु संवैधानिक हिसावले महत्वपुर्ण राजनीतिक पदमा पुगेपनि समाजमा महिलाहरुलाई हेर्ने दृष्टिकोण भने परिवर्तन हुन नसकेको बताउनुभयो ।
कार्यक्रममा प्रदेश उपसभामुख सरस्वती पोखरेलले महिलाको हकहितका लागि प्रदेश सरकारले ठोस नीति तथा कार्यक्रम बनाउनुपर्ने बताउनुभयो । विराटनगर महानगरपालिकाका मेयर भिम पराजुलीले महिलामथिको विभेद अन्त्य गरी उनीहरुलाई राजनितिक मुलप्रभाहमा ल्याउन महानगरपालिकाले विभिन्न कार्यक्रम संचालनमा ल्याएको जानकारी दिनुभयो ।
कार्यक्रमा भानुकला केन्द्र विराटनगरकी अध्यक्ष माया पौडेललाई सम्मान गरिएको थियो ।