इलाम । इलाम नगरपालिका–९ गोलबस्तीमा दुई सञ्चाचारकर्मीमाथि कुटपिट भएको छ । बुधबार राति एफएम बन्द गरेर कोठातर्फ जाँदै गरेका चियाबारी एफएमका बजार व्यवस्थापक कृष्ण पाठक र प्राविधिक प्रकाश न्यौपानेलाई स्थानीय रविन मगरसहितको समूहले आक्रमण गरेको हो ।
कुटपिटबाट घाइते भएका पाठकको अवस्था गम्भीर रहेको प्रहरीले जनाएको छ । उनको टाउको, हात र खुट्टामा चोट लागेको छ । प्रकाशको अवस्था सामान्य रहेको छ ।
घटनाको अनुसन्धान भइरहेको र कटुपिटमा संलग्न मगरको खोजी भइरहेको जिल्ला प्रहरी कार्यालय इलामका प्रहरी नायब उपरीक्षक रमेश बस्नेतले जानकारी दिनुभयो । गम्भीर घाइते पाठकलाई थप उपचारका लागि बीएण्डसी अस्पताल बिर्तामोड लगिएको छ ।
