पथरी, १३ फागुन। मोरङको पथरी शनिश्चरेमा श्रीमतीको हत्या गरेर फरार भएका एक अभियुक्तलाई प्रहरीले पक्राउ गरेको छ ।
पथरीशनिश्चरे नगरपालिका–९ का ३० वर्षीया तुलसा लिम्बूको हत्या गरी फरार भएका उनकै श्रीमान ३३ वर्षीय चन्द्रबहादुर नाल्बो लिम्बूलाई इलाका प्रहरी कार्यालय पथरीले बेलबारी–११ लक्ष्मीमार्गबाट पक्राउ गरेको हो ।
मदिराको नशामा चन्द्रबहादुरले आफ्नै श्रीमतीको गरधन, अनुहार र शरिरको विभिन्न भागमा खुकुरी प्रहार गरी माघ २७ गते हत्या गरेका थिए । इलाका प्रहरी कार्यालय पथरीका प्रहरी प्रमुख विजयी श्रेष्ठका अनुसार अभियुक्तलाई उनकै साथीको घरबाट प्रहरीले पक्राउ गरेको हो ।
अभियुक्त विरुद्ध कर्तब्य ज्यान मुद्दा दर्ता गरेर अनुसन्धान थालेको प्रहरीले जनाएको छ । प्रारम्भिक अनुसन्धानमा अत्याधिक मदिरा सेवन गरी धारिलो हतियार प्रयोग गरेर श्रीमतीको उनले नै हत्या गरेको खुलेको प्रहरीको भनाइ छ ।
