संखुवासभा, १३ फागुन । संखुवासभाको खाँदबारी नगरपालिका ३ का अध्यक्ष तोयनाथ ढुंगानाको हृदयाघातबाट निधन भएको छ ।
खाँदबारीस्थित आफ्नै घरमा बसिरहेका ६५ वर्षीय ढुगानालाई आइतबार बिहान ८ बजे अचानक हृदयाघात भएको हो ।
हृदयाघातका कारण तत्काल उनको निधन भएको हो । अरुण नदीस्थित मनकामना क्षेत्रमा आइतबार नै उनको अन्त्येष्टि गरिने परिवारले जनाएको छ । ढुंगाना एमालेबाट निर्वाचित वडाध्यक्ष हुन् ।
