चियाको बजार खोज्न आवश्यक

इलाम, ९ फागुन । पूर्वी पहाडको नगदे बाली चियाको व्यापार बढाउन बजारीकरणमा ध्यान दिनुपर्ने सुझाव सरोकारवालले दिएका छन् ।
इलामबाट निर्वाचित प्रदेशसभा सांसद राम रानाले चियामा पूूर्ण रुपमा विषादी प्रयोग नहटेको र कामदारलाई सुरक्षित वातावरण सिर्जना गर्न नसकिएकोले बजार लिन नसकेको बताउनुभयो ।
जबसम्म वैकल्पिक मल पाइन्न तबसम्म पूर्ण प्राङ्गारिक चिया उत्पादन गर्न सफल नहुने सांसद रानाको भनाइ छ । अन्तराष्ट्रिय बजारका लागि उत्पादन क्षमतामा वृद्धि र गुणस्तरीय चिया उत्पादन गर्न जरुरी भएको उहाँले बताउनुभयो ।
‘चिया क्षेत्रमा व्यवसायजन्य स्वास्थ्य तथा सुरक्षा’ सम्बन्धमा आयोजित कार्यक्रममा सांसद रानाले सो कुरा बताउनुभएको हो ।