अन्तराष्ट्रिय केःलाङ महोत्सव

पाँचथर, ९ फागुन । पाँचथर सदरमुकाम फिदिममा आइतबारदेखि अन्तराष्ट्रिय केःलाङ च्याब्रुङ नाँच महोत्सव शुरु भएको छ ।
किरात लिम्बू जातिको लोकप्रिय नाँच च्याब्रुङको संरक्षण र विकासका लागि महोत्सवको आयोजना गरिएको हो ।
स्थानीय फिदिम माविको खेलमैदानमा महोत्सव शुरु भएको हो । महोत्सवअन्तर्गत आइतबार भारतको आसाम, सिक्किम र नेपालका विभिन्न जिल्लाबाट आएका च्याब्रुङे टोलीलाई लाम्दाक अर्थात स्वागत गरिएको थियो भने च्याब्रुङ नाचसहित बजार परिक्रमा गरिएको थियो । महोत्सवको मंगलबार औपचारिक उद्घाटन गरिएको मूल समारोह समितिका अध्यक्ष मनकुमार केरुङले बताउनुभयो ।
महोत्सवमा लिम्बू जातिको मौलिक वेशभूषा, परिकार, फोटो र पुस्तकको स्टलसमेत रहेका जनाइएको छ । महोत्सपवमा केःलाङ र केसामबारे कार्यपत्र प्रस्तुति र छलफलसमेत हुने हुनेछ ।