हसन्दह । पथरी शनिश्चरे वडा नं. ५ र ६ मा गरिबी निवारणका लागि लघु उद्यम विकास कार्यक्रम (मेड–पा) स्तरोन्नति एड्भान्स सिलाई कटाई तालिमको उद्घाटन गरिएको छ ।
पथरी शनिश्चरे नगरपालिका लघु उद्यम विकास शाखाको आयोजनामा सञ्चालित ‘गरिबी निवारणका लागि लघु उद्यम विकास कार्यक्रम अन्तर्गत पुराना लघु उद्यमीहरुको लागि सो तालिम आयोजना गरिएको हो । नगर उप–प्रमुख देविमाया काफ्ले, वडा अध्यक्ष कृष्ण कुमार बस्नेत, चेतेन्द्र खड्का लगायतले शुभकामना मन्तव्य राख्नुभएको थियो । सोही क्रममा उप–प्रमुख काफ्लेले एड्भान्स तालिमले जिविकोपार्जनमा टेवा पुगोस् नगरको तर्फबाट सहयोग निरन्तर रहने बताउनुभयो ।
लघु उद्यम विकास शाखाकी कल्पना कट्वालले उद्घाटन कार्यक्रम सञ्चालन गर्नुभएको थियो । एक महिनासम्म सञ्चालन हुने सो तालिमको प्रशिक्षक सिता अधिकारी रायमाझीले गरिरहनुभएको छ । सो कार्यक्रमममा वडा सदस्यहरु तुलसा कार्की (मुना), विष्णुकुमार लिम्बु, विनयराज तिम्सिना, दिलबहादुर मगर लगायतको उपस्थिति रहेको थियो ।
